Livan Səhiyyə Nazirliyi bazar günü İsrailin ölkəyə endirdiyi zərbələr nəticəsində 14 nəfərin, o cümlədən iki uşaq və iki qadının həlak olduğunu, 37 nəfərin isə yaralandığını bildirib.
İsrail Müdafiə Qüvvələrinin (IDF) sözçüsü daha əvvəl Livanın cənubundakı bir neçə kəndin sakinlərinə təxliyə xəbərdarlığı edərək, dərhal ərazini tərk etmələrini, əks halda həyatlarının təhlükədə olacağını bildirmişdi.
IDF daha sonra Livanın cənubunda "Hizbullah" yaraqlılarına və onların İsrail əsgərlərinə qarşı hücumları təşkil etmək üçün istifadə etdiyini iddia etdiyi mövqelərə artilleriya və hava zərbələri endirdiyini açıqlayıb.
Həmçinin, "Hizbullah"ın Livanda pilotsuz uçuş aparatı (PUA) ilə həyata keçirdiyi hücum nəticəsində 19 yaşlı bir IDF əsgərinin həlak olduğu, altı nəfərin isə yaralandığı bildirilib.
IDF-in məlumatına görə, "Hizbullah" ayrıca İsrailə doğru üç PUA göndərib, lakin onlar sərhədi keçməzdən əvvəl İsrail Hərbi Hava Qüvvələri tərəfindən zərərsizləşdirilib.
İki ölkə arasında aprelin 16-da qüvvəyə minmiş və keçən həftə cümə axşamı üç həftə müddətinə uzadılmış kövrək, yarı-daimi atəşkəs rejimi davam edir.
Razılaşmaya əsasən, İsrail "planlaşdırılan, qaçılmaz və ya davam edən hücumlara qarşı istənilən vaxt özünü müdafiə etmək üçün bütün zəruri tədbirləri görmək hüququnu" özündə saxlayır.
İsrailin Baş naziri Benyamin Netanyahu hökumət iclasında çıxışı zamanı IDF-in Livanda "fəal və güclə hərəkət etdiyini" bildirib, "Hizbullah"ın hərəkətlərinin "atəşkəsi pozduğunu" vurğulayıb. O deyib: "Biz ABŞ və yeri gəlmişk
Mənbə: BBC News
