Böyük Britaniyada yayımlanan məşhur "Milyonçu Olmaq İstəyirsən?" (Who Wants To Be A Millionaire?) intellektual yarışmasının yeddinci milyonçusu bəlli olub. Təqaüdçü İT analitiki Roman Dubowski 1 milyon funt sterlinq məbləğində böyük mükafatı qazanıb.
Ceremi Klarksonun aparıcılığı ilə yayımlanan ITV telekanalının bu yarışında qələbə qazanan Dubowski hisslərini "qeyri-real" adlandırıb. O bildirib ki, qələbədən sonra bir fincan çay içib və baş verənləri dərk etməyə çalışıb.
Boş vaxtlarında intellektual oyunlarla məşğul olan qalib, qazandığı pulla yeni ev almağı və Yeni Zelandiya, Cənubi Amerika da daxil olmaqla müxtəlif ölkələrə səyahət etməyi planlaşdırır.
Stokport şəhərindən olan Dubowski, son sualı görəndə "Bunu dərhal bildiyimi düşünürəm" deyib. 15-ci, yəni son sual belə idi: "1876-cı ildən istifadə edilən, Ceyms Coysun "Ullis" romanında təsvir olunan və Manet ilə Pikassonun əsərlərində yer alan ticarət markası hansıdır?" Cavab variantları Bass Ale, The Famous Grouse, Coca-Cola və Stella Artois idi. Dubowski izah edib ki, Londondakı Courtauld Qalereyasında Manetin "Folies-Bergère-də Bar" adlı rəsm əsərini görüb. O, rəsmdə "həmişə Bass pivəsinin simvolu olan" qırmızı üçbucağı aydın şəkildə xatırladığını bildirib.
Yarışmacı sualı cavablandırmaq üçün "50/50" kömək haqqından istifadə edib. Cavab variantları Coca-Cola və Bass Ale-ə endirildikdə, o, "yaxşı, niyə də cəhd etməyim" deyə düşünüb. Əslən Mançesterdən olan Dubowski doğru cavabı – Bass Ale-i seçib.
Son sualı doğru cavablandırdıqdan sonra nə hiss etdiyini soruşduqda, o, "Qeyri-real idi… sanki real dünyada deyildim, demək olar ki, burada olmağı gözləmirdim" deyib. "H
Mənbə: BBC News
