Ağ Ev Müxbirləri Şam Yeməyinin keçirildiyi Vaşinqton Hilton otelində atəş açdıqdan sonra saxlanılan şəxsin kimliyi məlum olub. Hüquq-mühafizə orqanlarının verdiyi məlumata görə, bu, Kaliforniyanın Los-Anceles bölgəsindəki Torrans şəhərindən olan 31 yaşlı Koul Tomas Allendir.
Şübhəli şəxs Vaşinqton Hilton otelində təhlükəsizlik əməkdaşları tərəfindən saxlanıldıqdan sonra hüquq-mühafizə orqanlarına Tramp administrasiyasının rəsmilərini vurmaq istədiyini bildirib. Bu barədə BBC-nin ABŞ-dakı xəbər tərəfdaşı CBS iki mənbəyə istinadən məlumat yayıb.
ABŞ-ın müvəqqəti baş prokuroru Todd Blanş NBC telekanalına verdiyi müsahibədə atəş açan şəxsin motivinin hələ də araşdırıldığını, lakin ilkin nəticələrin onun administrasiya rəsmilərini, o cümlədən Donald Trampı hədəf aldığını göstərdiyini bildirib. Tramp daha sonra Fox News-a verdiyi açıqlamada şübhəlinin "uzun müddətdir ürəyində çox nifrət" daşıdığını və ailəsinin onun "çətinlikləri" olduğunu bildiyini söyləyib. O, həmçinin şübhəlinin "manifesti" olduğunu və onun "qəti şəkildə xristian əleyhdarı" olduğunu iddia edib.
Blanş bildirib ki, müstəntiqlər hazırda iddia edilən silahlı şəxsin silahı oteldə yığması barədə məlumatları araşdırırlar. O
Mənbə: BBC News
